....... رَحيل العُمر ....
...............................
يا رَحيل العُمر لوين وَقَّفْ
على جبالنا ما تردّ السلام
هون عشنا أيام الصِّبَا
وهون لعبنا وطَيَّرنا الحَمام
تَحت العزر يا ما سهرنا
والشّوح حارسنا عَ الدَّوام
والسّنديان شامِخ ما ينضام
دارَك يا جدّي كترِتْ دموعها
والظلم نايم تحت الحزام
دَمعِتْ قلوبنا والحزن خَيَّم
والآه تبكي لَعَالي المَقام
بلبُل حِمانا العايش مَعَانا
مات مَدبوح بسكّين الظَّلام
والليل خَيَّم على دروبنا
والحُبّ هَجَرنا وخلِص الكلام
يا بيت جدّي راح الفَرَح
ما عاد يرجَع صار بالأحلام
كل يوم نقول هَلَّق بيرجَع
بترجَع ليالينا وبيعود الوِئام
كل يوم ضحكة عم تندَبَح
كل يوم بسكّينُه يقتلنا الظَّلام