ركبت موجه شوق
قلت أخذ في الوطن لفه
تطيب معاه جروحي
وتشوف هناه روحي
دا كل وصف العشق
في حبه ما وفا
قابلت خراب ودمار
وبلاد فيها استعمار
وحروب ما بين الأهل
مدبره مش صدفه
لمحت لعبه صبي
شاربه من دمه
مرميه جنب امه
غمضت عيني أوام
وعملت مش شايفه
وصاروخ في عرس انفجر
بدل بياض بسواد
والفرح انقلب لحداد
ومنكسه الإعلام ..
رجعت الزفه
وأصوات بكاء ونواح
من كترت الأتراح
وقلوب ماليها الظلم
وكفوف ملوثه دم
و مالت الكفه
اااه يا وطن ااااه
ما بقتش زي زمان
حصن دفا وامان
معقول أنا بحضنك
وأحس ان أنا خايفه؟؟
حسيت في قلبي بنااار
ومن عيني هربت دمعه
بتقول ان أنا مش راجعه
فهم عبرتي البحار
قام حول الدفه
الحكاواتيه / سعاد سالم